Улс төрийн хэлмэгдүүлэлт

Өнөөдөр "Цэргийн музей", "Г.К.Жуков"-ын музей үзлээ. Сонирхолтой байсан шүү. Тэгээд Цэргийн музейн хэлмэгдүүлэлтийн хэсгээс доорх шүлгийг хуулан тавьлаа. Олон гэмгүй иргэд амь насаа алдаж, соёлын өв дурсгал нь шатаагдаж, бууны сум болох жишээний. Одоо үүний тухай уншихад надад аймшигтай санагддаг.

Буун дуу тас

Егүзэр хутагт уналаа

Буун дуу тас

Ерөнхий сайд уналаа

Буун дуу тас

Өрлөг жанжин уналаа

Буун дуу тас

Өчнөөн сайхан эрс уналаа

Буяны олон хийд туурь болов

Бурхны олон шавь нар хүүр болов

Буддын гэгээн судрууд гал болов

Бусдын халуун нулимс гол болов

Ядамсүрэн, Буяннэмэх шоронд

Нацагдорж, Наван-Ёндон шоронд

Жинхэнэ хайрын сувд хүүхнүүд

Цөм нулимстай

Жинжийбадам, Ичинхорлоо ч нулимстай

(Зохиолчийг нь бичээгүй байсан юм)

Удахгүй Хэлмэгдэгсдийн музей орно гэжуга.

Тал заримдагуудад нэгэн заримдагаас

Блогийн учир утгыг ойлгохгүй хүн зөндөө байна аа. Пээ, энэ бичиж байгааг нь ээ. Ороод өгөөч гэж гуйгаад байгаа биш. Эцсийн эцэст миний блог бол миний л орон зай, миний бодол, миний амьдралын нэг хэсэг.

Хэнийг, юуг хэрхэн юу гэж бодож, бичихээ би өөрөө шийдье! Унших, уншихгүй, таалах таалахгүй чинь надад падгүй.

Хэрвээ би аливааг бичээд нэр хүндийг нь унагасан бол миний блог газар авчихаж хха, эсвэл угаас тэрэнд нэр хүнд байгаагүй байсан байна гэж ойлго!

127 hours [2010] & True grit [2010]

Ерөнхийдөө аль аль нь л хүний эр зориг болоод тэвчээрийн тухай өгүүлдэг.

Зохиолын хувьд True Grit нь илүү санагдсан.

127 Hours

Ароны амьд үлдэхийн төлөөх тэмцэл гардаг л даа. Хэн нэгэн машинд дайруулах гэж байхдаа, хэхэ жишээ нь би лав тэрхэн зуурт өөрийнхөө амьдралыг хэдхээн хоромд бодоод хараад амжиж байсан юмдаг. Гэтэл энэ залууд болохоор арай өөр, боломж түүнд байсан болохоор гараа тайраад гардаг л даа. Үүн дээр, миний бодлоор

зохиолчийн санаа бол "золиос" байсан юм шиг санагдаад байгаа. Мэдээж хэн ч угаасаа ийм нөхцөлд амьд гарахын төлөө л үйлдэл хийнэ. Түүний хувьд яг л

тэр агшинд хамгийн зөв сонголтыг хийж чадсан. Гэхдээ бас хэний төлөө гэдгээ ухамсарласан байгаад гол утга нь байгаам л даа. Киног чимж байсан тэр дурсамжууд нь хөөрхөн.

True Grit

"Үнэн" бол хамгийн гол утга агуулга нь байсан болов уу. Аавыг нь алсан алуурчин залууг хайж яваа 14 настай, биширмээр, хэрсүү охин

Матигийн дүрийг бүтээсэн Hailee Steinfeld. Түүний гуйснаар хөлсөөр туслах үүрэг хүлээсэн шүүхийн шийдвэр гүйцэтгэгч Рүүстерийн дүрд тоглосон хайрт Жефф Брижс минь. Ингээд л эцэстээ нэгэнт л энэ бол өшөө авалт байсан учраас өөрөө бас л нэг саарыг дагуулна. Могойнд хатгуулаад өрөөсөн гаргүй болдог төгсгөл нь нөгөө бидний итгэдэг үйлийн үр ч юм шиг...

Оскараас гар хоосон буцахгүй байхаа. Энэ охин "Actress in a supporting role" авчихаасай.

"Music" дээр If I rise авна гэж найдаж байна.

Babies [2010]

Үнэхээр гоёё кино. Амьдралын баяр баясгалан болсон (Монгол, Америк, Африк, Япон) хүүхдүүд хэрхэн өөр өөрийн орчинд өсөн торниж 1 настайгаа золгож буйг харуулдаг.

Зун, Өргөө кино театрт үзсэн ч гэсэн сая дахиад л үзлээ. Хурдан хүүхэдтэй болмоор ч юм шиг. Гэхдээ болоогүй ээ , эрт байна.

Тэр болтлоо, өөрийнхөө дүү нараа, эсвэл бусдын хүүхдийг хайрлаж өхөөрдөөд л байж байя дөө... =P

When in Rome [2010]

Өнгөрсөн жил л трейлэрийг нь үзчихээд баярлаад үзэх юмсан гээд байсан. Сая үзсэн чинь яг сэтгэлд хүрээгүй ээ. Гэхдээ энэ Кристен Беллийг "You again"-д тоглосноос нь хойш дургүй болчихсонтой холбоотой байх ххэ. Ийм итгэл үнэмшил үнэхээр биелдэг юм болов уу, гэхдээ?

Юутай ч таалагдсан зүйл гэвэл энэ бяцхан машин Vespa 400. Liked quote нь "The whole point of love is to put someone else's needs above your own." Энийг Бетэд дурласан нөгөө 4 залуугийн намхан нь хэлдэг юм.

Миний сурдаг сургуулийн ОЗ

Би Монгол Улсын Их Сургуулийн оюутан. Энэхүү анхны, ууган сургуульд орсноороо ч бахархдаг. Миний үеийн оюутнуудыгаа ч гоёор төсөөлж байсан юм л даа. Гэхдээ "гоё" гэдэг миний ойлголт өнгөцхөндөө зүгээр л онц тэгээд муу сурдаг нь хамаагүй, өөрийн хүссэнээ хийж чаддаг, түүнээсээ ч таашаалаа авч жаргалтайгаар байж чаддаг. Гэхдээ хамгийн гол нь надад бас бусдад саад тотгор учруулахгүйгээр шүү дээ. Тэр тусмаа гадаад харилцааны сургуулийн Оюутны зөвлөл гэгч зүйлийг хамгийн шилдэгүүд нь ордог, бидний төлөөлөл байх ёстой гэж боддог байлаа. Шинэ жил, цанаар гулгуулах гэж авч яваад яасныг нь явсан харсан хүмүүс зөндөө байгаа байх. Бичээд яах вэ дээ.

Би ОЗ-д орно гэдэг сургууль дээр 4хөн жил сурахдаа авах нэр хүндээс гадна том үүрэг хариуцлага гэж боддын. Ойролцоогоор 500 оюутан гэж бодож байна. Бидний төлөө явж чаддаггүй юм аа гэхэд цаанаас ирсэн үүрэг даалгавар, үил ажиллагаагаа цаг тухайд нь хийчихээсэй гэж хүсэх юм. Гэхдээ үүнд урлаг соёл, зугаа цэнгээний талаар хэлээгүй шүү, хангалттай л хардаг шт. Иймэрхүү зүйлд үнэхээр авъяастай. (Авъяас гэдгийг битгий шууд утгаар ойлгоорой. Нэг тийм нууц код байгаан. Номыг нь уншсан хүн байвал мэдэж байгаа.)

Оюутны цахим карт гэж байдаг даа. Энийг хэрэглэдэг цөөхөн хүн байдаг юм шиг байгаан, манай сургуульд. Асууж сураглаж, тэдэнд сануулсан нь би болохоор. Гэхдээ бүр сунгалт дуусч байгаа өдөр нь шүү. МУИС-ийн 12 салбар сургууль УБ хотод байдаг. Тус тусын ОЗ-тэй бөгөөд сургууль тус бүрээс миний мэдэж байгаагаар 2 төлөөлөл явж тэр нэгдсэн хуралд нь суудаг юм шиг байгаан. Тэндээс гарсан шийдвэр, эсвэл зарлалыг нэгэн зэрэг бүх суралцагчдад хүргэх ёстой гэж бодоод байна л даа. Манай сургуулиас бусад дээр нь сунгалт нь дуусч байгаа картны талаар хэдэн өрөөндөө ч байдаггүй, утсаа ч авдаггүй, улсын их хурлын гишүүд шиг хэдэн нөхөд. Намайг нэг хуралдаа оруулж авч хэлэлцэх санал тавьсан манай ангийн хүүхэд, тэрний найз ОЗ-н дарга. Хурал хагас цагаас илүү хугацаагаар хожимдсон. Тэгээд нэг ангид ороод цасны баяраар яриагаа эхэлсэн, өөрсдийгөө мундаг, тэргүүний гэж даргаагаа тодорхойлуулах хэдэн оюутан. Үнэндээ надад зориулж хэлж байгаан. Тэгснээ надад тайлбарлахдаа хэн нэгэн хүнд буруугаа чихэж байгаан. Надаас утсыг нь аваад асуусан ч болно гэхээр нь авах санаагаа илэрхийлтэл чамд гэхдээ тэгж л хэлнэ гээд тойруулаад өгсөнгүй. Миний бөөн чат болж болж хураалгахаар болсон цахимуудыг хураачихаад минийхийг чухам л үлдээсэн, авахгүй гэсэн юм байна л даа. Сургуулийн нэр хүнд ярьдаг нэг дарга, миний өөдөөс. Би энэ тухайгаа хөрш сургуулийн даргад ярих үгүйд тэдний хамаа байна уу, яг үнэндээ??? Үүн дээр нэр хүнд ярьж байгаан, аан тийм , сургуулийн биш ОЗ-н нэр хүнд гэж байгаа шүү. Тэгээд баатруудын хэлж байгаагаар манай сургууль бусдаасаа шилдэг нь гэсэн шүү, хувь нэмэр харьцангуй их гэх мэтчилэн, сайшаалууд үргэлжилсээр. Эцэст нь миний ярих ээлж. "Үнэн" надад хамгаас чухал. Миний өөдөөс бүлэг тэр хүмүүс байсан ч би айхгүй. Би яриагаа эхлээд, толгойгоо дохьсонг нь нилээд харсан. Яагаад гэвэл үнэн байсан юм чинь. Тэгээд л миний яриа тэр дарга гээчийн гарын алгаар дууссан юм. Шууд л өөдөөс алгаа харуулаад, одоо болно гэсэн хха. Инээд одоо болтол хүрдэг юм. Тэгээд намайг гарсны дараа бодвол шив шинэхэн тэр ОЗ нь цанын баяраа цоо шинэ з.б-тай хийх талаараа үргэлжлүүлэн ярьсан биз.

Миний бичсэнг 9 дүгээр сартай андуурч ойлгоод чат бүр бусниулсан нэг оюутан бантсандаа, эсвэл яг чин сэтгэлээсээ тэгсэн үү миний цахимыг аваад үлдсэн. Эсвэл жүжиг байсан уу? Тэр өдрөөс хойш 21 хонож байна. Минийхийг яг өгөөгүй байхаа. Гэхдээ энэ гол нь биш.

Нэг өгүүлбэр нэмэхэд манай сургууль МАХН-ынх шүү. Мэдээгээр нэг итгэмжлэх ч билүү тэмдэг нтр зүүлгэж байгаа нь гарсан, тэр даргын.

Анх ч ийм зүйл харсан л даа, өнгөрсөн жил хөөрхий тэр нэг залууг зодох шахам дарамталж байж ОЗ-н даргын суудлаас авч хаясан. Ингээд бодохоор зүүд ч юм шиг. Нэг зүгээр л дарга гэсэн цолны төлөө тэгтлээ юунд улайрсын?? Тэнд алт мөнгө байгаамуу эсвэл? Хүнийг дурлуулдаг нэг зүйл тэнд байна даа...

Тэгэхлээр, МУИС-н ОХ-нд давамгай хувь нэмэр оруулсан ОЗ ийм л үйл ажиллагаа явуулж байна.

Бас харилцааны соёлтой гээд байгаан, сургуулийн оюутнууд бүгд байдаг групт юу бичсэнг нь уншвал бас л гайхмаар шүү. 10 жилийн охидын хэрүүл шиг ч юм шиг. Нээх сонин...

Энэ, ийм зүйл зөвхөн энд байна уу, эсвэл угийн л ОЗ-үүд муу нэртэй байх ёстой юм уу?

Бидний эрх битгий ингэж зөрчигдсөөр л байгаасай, хором бүр, секүнд тутам.

Life as we know it [2010] Бидний мэдэх амьдрал

Энэ киног Өргөөд гарч байхад нь гоё санагдаагүйнмаа. Тэгээд л одоо үзэж байгаа хэрэг. Нэг их хэрэг болгож үзээгүй л дээ, бас. Гэнэт Babies үзмээр санагдаад байсан чинь энэ бас байхаар нь татчихсын.

Холлигийн дүрд тоглосон Катерин Хиглийг хараад шууд The Ugly Truth санаанд ороод яг л иймэрхүү дүрд тоглох хэрэгтэйн байна гэж бодов ххэ.

Бодит амьдралаас жоохон хол гэмээр, солонгос драмны зохиол шиг ч гэсэн цаг 54 минутын туршид уйдаагүй үзсэн. Яагаад гэвэл Солонгос киноноос эрс шийдэмгий байдаг болохоор нь дурласын.

Нээрээ уйдаагаагүй зүйл нь юу вэ гэвэл, тэр бяцхан Софинууд (Ихэр хүүхдүүд тоглосын байна лээ, анзаараачгүй). Бүр нээх хөөрхөөн. Жоохон хүүхдүүдэд би яагаад хайртайгаа дахин мэдэрсэн. Хийж байгаа үйлдэл болгон нь хайр татмаар. Нээрээ, өглөө миний саяхан 3 нас хүрсэн зулзага маань намайг сэрээгээд, өөрийгөө хувцаслачихсан. Жирийн үед унтаад байдаг хирнээ намайг болохоор унтана гэж мэдсэн байгаам шиг байгаан. За за жоохон хазайчихлаа. Гэхдээ л би жоохон хүүхдүүдэд маш их хайртай.

Нэгэн захидал

Одоо шөнийн 1 цаг 48 минут болж байна. Сая хэдхээх минутын өмнө, багын найз маань над уруу мейл бичсэн уншсан уу гэхээр нь нөгөө хэрэглэдэггүй, гэхдээ хамт байхдаа нээсэн тэр хаяг руугаа орлоо. 465 уншаагүй захидал байснаас хамгийн дээрх нь түүний минь хаягтай захиа байсын. :

mdkue genet setgel maani huursiimuu yagad ch yun chmaaig bodood uilaad hehe,,, Huuhduud joohondoo hamgiin huurhun, tsailgan, genehen uneheer hentei ch zuirleshgui baidag.. Bid nar yag ter uyedee nzalsan bolohoor ch teruu bid nar uneheer biynee hairldag, salj chaddaggui nzuud bsanaa sanaj bnuu.. hamtdaa dalangaar gulsaad,, ghde bi barag l ugu,, hen heniigee bid nar hamgiin sainaar zurh setgeliign mederdeg bsanshde,, ungursun ter heden jil bidnii uyerhel ingeedl or suraggui hend ch herggui hooson zuil bsan gdgt bi itgekuen.. BI jam deer oroi bolgon gert chin ochood buh zurhee uudaldg,, gertee harichaad dahiadl utsaar yaridag bsaniig sanaj bnuu,, bid nar biy biyneesee uneheer ih zuil surdag bsan,,, zoloo maani hichneen ajilsag geech,, tsatsa maani erh ohin,, harin chi bol uhaantai ohin bsan,, Bidnii muruudliig sanaj bnu,, yamr ch bsan bugd uur zuiluud bsan gdgiig sanaj bn... hamtdaa amidarna, dundaa mashintai bn gesnee sanakuen gejuu,, Bidnii muruudul bidniig salgasan ch bid hamtdaa bj chadna,, Bid bur neg hotod amidarch bgaashde, bid nar salsnaas hoish uur uur zugruu alhah bolson, Bidnii yaria, boddog zuils ch uurchlugdsun,, Oyutan bolohooroo bid nar salah yostoi bsan yum bol oyutan nasiig ugui bolgoh yumsan,, Yamar ch asuudal bolson chmaag harhaaraa l taivshirdag bsan,,, Nziigaa uuchlaarai yag uneniig helehed chnii nzalj bgaa humuus, yaridag zuils negl uur yum shig nadad tohirohgui bolsiim shig sanagdaj chmaig zugeerl zund n orhison,chnii ergen toirond bgaa humuus minii taniku humuus bolj ihsenees bolood ch teruu chmaig aldchixsan yum shig l setgegdel tursun,,, Ene minii buruu,, uneheer chmaag sanaj bn,, chi minii nzshdee,, chinii nzuud nadad hamagui,, chi l bga bol hangalttai,, Chi minii huuchin hairtai terka min heveeree l bgaa tiim bizde? BId ergeed zugeer neg nz bish uneheer sain nzuud baij boloh boluu? bi chmaig sanaj baina..,, bidnii uyerhel ergeed byatxan bsan uyiinh shig heveeree bgaasai gej husch bn.. Уншаад л шууд уйлчихлаа. Би бас санаж байна, зөндөө их. Шинэ сургуульд ороход угтсан дунд ангийн өдрүүдийг минь баяр хөөрөөр, хайраар дүүрэн байлгасан болохлоор, хэзээ ч мартагдахааргүй дурсамж миний үгүй ээ бидний сэтгэлд байдаг болохлоор би та нарыг үүрд хайрлах бас мөрөөдлөө биелүүлж амсах учиртай. Хайртай шүү, удахгүй байнга хамт байдаг байсан шигээ жаргалтай нэгэн найзуудын өдрөө тэмдэглэцгээе

Sex & the City [1998-2004] [2008]

Жоохон байхад энэ кино гарахаар л сувгаа сольдог байж билээ. Том хүний кино гэж боддогтоо л тэр, бас ойлгохгүй, мэдэхгүй зүйл гардаг болохыг нэг биш хэд хэд анзаарсан гэдгээ мэдэж байна.

Тэр үеийн дурсамж саяхан лнэг мэдрэгдэж, энэ миний үзэх ёстой кино гэж төлөвлөж байж үзлээ. Хэсэг болгоныг анхааралтай үзсэн минь, бас үзэхгүй удахаар санаад л. Надад маш их таалагдсаан гэдгийг л хэлэх гэсэн юм л даа.

Тэгэхээр, энэ зүгээр л Нью Йорк хотын Манхаттен дүүргийн оршин суугч 4 бүсгүйн өөрсдийн жинхэнэ амьдралаа хайж байгааг тус бүр дээр нь найруулан бичиж буй Керигийн сонингийн нийтлэл юм. Яг үнэндээ гол дүр нь өөрөө байгаам л даа. Тэдний хувийн амьдрал, ажил, зугаа цэнгэл, бас амьдралыг үзэх үзэл нь тэс ондоо ч эцэстээ бүгд л жинхэнэ хайрын төлөө тэмүүлнэ.

Дүрүүдийн тухайд товчхондоо

1. Кери (Sarah Jessica parker) бол Нью Йорк сонингийн "Sex and the City"нэртэй хотын бүхий л ганц биемэгтэйчүүдийн яг л библи юм шиг уншдаг нийтлэлийг бичдэг. Өөрийн туршлага, хөндлөнгөөс ажигласан зүйлээ ямар нэг хачиргүйгээр нэрийг нь ч тэр чигээр биччихдэг. Эмэгтэйчүүдэд нэг таалагдсан зүйл бол түүний хувцасны стиль байсан. Хамгийн сонирхолтой хувцасны хандлагыг бий болгогч. Сарнай, үнэтэй загварлаг гутал, том хувцасны шүүгээ гээд л их сонирхолтой.

2. Шарлот (Kristin Davis) бол жирийн л нэг төгс гэрлэлтийг хайж буй нэгэн. Анхны гэрлэлт нь бүтэлгүйтсэн ч 2 дахь нь түүний яг л хүлээж байсан гэрлэлт, жинхэнэ хайр нь байсан. Энэ бол хуульч еврей үндэстэн Харри. Тэр халзан, бас тийм ч мэдрэмжтэй сайхан залуу биш. Гэхдээ л Шарлот түүнд татагдахйн эрхэнд Христийн уламжлалаа хүртэл орхиод, дуртай зургийн галерейгаасаа хүртэл гаран түүнтэй гэрлэсэн. Хэзээ ч хүүхэд гаргахгүй гэсэн болохоор Хятадаас хүхэд өргөж аваад дуртай Сараань цэцэг (Lily) -ийнхээ нэрээр нэрлэсэн.

3. Саманта Жонес (Kim Cattrall) бол кинон дээр хамгийн их нүцгэлдэг, хамгийн насаар ахмад нь. Тэрээр Олон нийтийн харилцааны салбарт амжилттай нэгэн. Түүний хувьд хайр биш сексийн амьдралилүү чухал. Гэхдээ надад хамгийн их таалагдсан нэг чанар нь найзуудынхаа төлөө хамгийн их сэтгэл зүрхээ зориулдаг нь байсан. Үүнтэй адилхан, тэрээр таалагдсан залуугаа өөрийн болгохын төлөө юуг ч хийж чадна. Түүний амьдралд өдөр бүр эсвэл орой бүр л өөр хамтрагч гарч ирэх нь киног улам сонирхолтой болгоно.

4. Миранда (Synthia Nixon) бол хуульч дэгжин бүсгүй. Яагаад гэвэл анхнаасаа л нэг тийм мангардуу маягаар кинон дээр гарах ч хамгийн ухаалаг нь. Тэр хайртай залуу Стивээсээ хүүхэдтэй болон гаргахаар шийдсэн нь түүний ухаалаг шийдвэрүүдийн нэгболно.

Ажлын хажуугар бяцхан Стивийг амжуулж асарч байгаа нь эмэгтэйчүүдэд нэгийг бодогдуулах байхаа. Эмэгтэй хүн ажил гэр бүл 2-оо аль алинг нь зохицуулж болохыг түүний хөөрхөн, гэнэ амьдрал харуулна. Нэмж хэлэхэд тэр хамгийн хөөрхөн нь. Бас бодит амьдрал дээр ижил хүйстэн.

Ингээд доор кинон дээрээс таалагдсан санаануудаа бичлээ.

• Бодит амьдрал дээр гэрлэсэн болон гэрлээгүйчүүдийн хооронд үргэлж чимээгүй дайн өрнөсөөр байдаг. Гэрлэсэн нь ганц биечүүдээс өөрийн нөхрөө харамлах, гэрлээгүй нь өөрт таалагдсанаа өөрийн болгох гээдл. Гэхдээ тэдний хэн нь ч бусдын гэр бүлийг санаатайгаар сүйдлэх гээгүй нь киноны нэг хөөрхөн тал нь.
• Миранда нэг ингэж хэлдэг юм. " Бодит байдалтай нүүр тулах замыг л сонго, бусад нь зүгээр л эзэнгүй байшинд нөрхөө хүлээн уйтгартай амьдарч байна (Choose to grow up and face for reality. Others choose to live in empty haunted life)". Яг үнэндээ надад маш их таалагдсан. Гэрлэлтийн талаар миний бодолтой ижилсэн байсан юм аа.
• Ямар ч зүйлд бяцхаан хахуул хэрэгтэй. Тэд хооллохын тулд нэг газар 40 минут хүлээгээд идэж чадалгүй гардаг. Эмэгтэй хүнд хоол маш чухал гэж үздэг миний санаатай ч бас санал нэг байгаамл даа. Тэгээд хариуцсан зб эмэгтэйд нь тампон өгөөд дараагийн удаа ширээтэй болдог юм. (Үнэндээ энэ санамсаргүй тохиол байсан л даа)
• Керигийн хэлсэн үг нь "Ирээдүйдээ санаа зовохгүйгээр яг энэ цаг хугацаандаа л амьдарвал аз жаргалыг мэдэрнэ" (The only way to true happiness is to live in the moment and not worry about the future). Болоогүй зүйийн төлөө шаналахгүй байх аз жаргалтай амьдралын алтан түлхүүрийн нэг.
• 6 дугаар сизонд Керигийн гуталны тухай нэг анги байдаг юм аа. Тэр анги дээр Кери "The fact is, sometimes it's hard to walk in a single woman's shoes. That's why need really special ones now and then to make the walk lil more fun". Хүссэн хүсээгүй амьдрал зохиохоор зөвхөн өөртөө гэсэн теором багасахаас биш одоо мөнгөө өөрийн хүссэн зүйлдээ зориулах тухай л хэлж байгаам л даа.
• S6E11 дээр Саманта "I have a broken toe, not a broken spirit" гэж хэлдийн. Эмэгтэй хүний аливаад гандан бууршгүй зан чанар энэ байна.
• S6E16 дээр Саманта нэг тэнэг асуудалтай тулгардаг юм аа. Үзсэн хүмүүс санаж байгаа байх. Тэгэхэд өөрөөс нь 10 гаруй дүү Холливудын од болж яваа залуу Смит (Jason Lewis) "Shit happens" гэдэг юм. Энэ үг их таалагдсан. Нээрэ энэ 2 таван жил хамт амьдраад салсан даа. Саманта өөр хүнийг нүцгэнээр харснаас биш энгэр зөрүүлээгүй.
• It's like winter. Just because the trees are bare doesn't mean they're dead. Ингэж Смит хэлдийн. Энэ тэгжаад их ухаантай дүр ээ.

"I am looking for love. Real love. Ridiculous, Inconvenient, Consuming, Can't live without each other Love." Энэ хамгийн гоё өгүүлбэр. Энийг Кери орос уран бүтээлч Александр Петровскигээс салахдаа хэлдийн.

Заза, одоохондоо ийм л байна. 2010 онд гарсанг нь арай үзээгүй явна.

Хүмүүсээ би номоо авъя

Ер нь бол хүнээс ямар нэгэн зүйл зээлчихээд буцааж өгдөггүй "голруулдаг" эсвэл ер нь зүгээр өөрийн болгоод авчихдаг гаруудад би үнэхээр дургүй.

Доор дурдсан номнууд хэн нэгэнд зээлдэгдээд тэр чигтээ алга болчихсон юм л даа. Тэгэхлээр, би хэсэг нөхдөөс номоо авмаар байна. Миний яг одоо санаж байгаагаар эднүүс байна. Өөр бас уг нь байгаа, санахаараа нэмээд биччихнэ ээ.

1. Сүмтэй будрын чулуу
2. Казиног наймаалсан нь (наймаалцсан нь ч байж магадгүй)
3. Г.Акимын Тэнгэрийн нохой

P.S. Надад эд нар хамгийн үнэтэйд тооцогдах цөөн хэдийн нэг хэсэг учраас буцаагаад өгөөрэй

Never let me go

Казүо Ишигүро бол хагас япон, хагас англи үндэстэй гэж хэлж болохоор зохиолч. Тэрээр Японд төрж өссөн ч эцэг эхийнхээ хамтаар Англи руу нүүж очсоноор ИБУИНВУ-ын иргэн болсон. 2005 онд бичсэн түүний бичсэн "Намайг битгий явуулаач" гэх зохиол нь Марк Романекийн найруулснаар 2010 онд дэлгэцийн бүтээл болжээ. Гол дүрүүдэд Pride and Prejudice кинонд хамтран тоглосон эмэгтэй жүжигчид болох Carey Mulligan, Keira Knightley болон Andrew Garield нар тоглосон.

Тэд Английн Hailsham гэдэг алслагдсан, өөр хүн эргэн тойронд нь байдаггүй тийм сургуульд суралцана. Тэд их дуулгавартай гэхдээ Kathy нэрээр гарах Carey Mulligan тийм биш. Түүнд донор болох, эсвэл донор бологсдыг асрах гэсэн 2 зам бий. Түүний сонголт төгсгөл хүртлээ 2 дахь нь байсан.

Тэдэнд овог нэр байхгүй,учир нь тэд колоны аргаар бүтээгдсэн хүүхдүүд. Нэг тийм, хүний ертөнц биш. Тэгснээ секс хийдэг, хайрладаг, хүний хийдэг бүгдийг хийдэг.

Ийм төрлийн кино дахин үзэхээр шийдсээн, таалагдсан.

Би уучилсан /С.Отгонтуяа/

Цэцэг цэцгийн өнгөнд шунаж нүүсэн эрвээхийн занг уучилсан

Цэнхэр манантай намраар мэнд л байгаасай гэж залбирсан

Цаг цагийн аясаар урваж нүүсэн шувуудыг уучилсан

Цаадхан далайдаа очоод жаргаад л ирээсэй гэж ерөөсөн

Би уучилсан

Гэмгүй явахад минь гүтгэсэн танихгүй хүнийг уучилсан

Гишгэсэн мөр бүхэнд минь аз тохиодоггүйг ойлгосон

Гэгээ татуулж явахад минь атаархсан танил хүмүүсээ уучилсан

Гэрэл байгаа газарт сүүдэр байдгийг ухаарсан

Би уучилсан

Намайг гомдоож зүрх зүссэн хэн бүхнийг бий уучилсан

Яахав дээ, хүн л юм чинь гэж цагаатгасан

Нартад олон хүнийг гомдоосон өөрийгөө ч уучилсан

Яалтай ч билээ дээ, тэнэгхэн залуу нас минь гэж цайруулсан

Би уучилсан

Уучлахгүй бол зүрх хүндрээд байхлаар нь

Уужимхан хорвоо гэгч давчдаад байхлаар нь

Цөмийг нь би уучилж орхисон

Цээжин цаана хайр минь ундарсаан

Би уучилсан

Миний эгч, багшийн зохиосон шүлэг. Анх 8 орчим ангидаа байхдаа уншаад уйлангаа алдсанаа санадаг юм. Ийм болох юмсан. Болно оо, болж байгаа, болсоор, өөрчлөгдсөөр байгаа, итгэж байна.

Зүгээр л, өөрийгөө байнга зоригжуулах шүлгээрээ сонгочихлоо. Гоё, үнэн, сайхан үгс

Үр хүүхдэдээ хэлсэн үг О.Дашбалбар

Хамаг бүгдээр чамайг

Харааж нулимж байвч тэнгэр шиг бай!

Хамгийн сайн хүмүүн гэж

Хашгирч ерөөж байвч тэнгэр шиг бай!

Тэнэгүүд бүгдээр чамайг сургавч

Тэнгэр шиг бай, дуугүй дүнсийх…

Тэврээд бүгдээр чамайг үнсэвч

Тэнгэр шиг бай, аниргүй мэлтийх…

Тэвчээр барагдаж, нөхөд чинь орхивч

Тэнгэр шиг бай, мөнхөд амгалан

Тэргэнд суулгаж алтан титэм өмсгөвч

Тэнгэр шиг бай, юу ч болоогүй юм шиг

Хамгийн хайртай хүн чинь хаяж одсон ч

Хан тэнгэр нурчихаагүй цагт бүү зов!

Гүтгэж доромжилж бахаа ганц хангавч

Гүн тэнгэр хэмхрээгүй цагт бүү ай!

Өвчин зовлонд нэрвэгдэж, тартагтаа тулавч

Өнө мөнхийн тэнгэр шиг бай, чи ялна!

Өрөөл бусдад тоогдохоо байж, мартагдавч

Өндөр тэнгэр дээр чинь цэлийж буйг бүү март!

Яг л амьдрал чинь дуусаж, явах замгүй болсон ч

Яадгаан алдалгүй хүлээ, тэнгэр шиг бай!

Яруухан санаа мөхөсдөж, хулгай зэлгийд өртсөн ч

Ядмагхан амьтдыг бүү тоо, тэнгэр шиг бай!

Олз омог чамд үүдээ хаасан ч, тэнгэр шиг бай!

Олон түмэн нүүрээ буруулсан ч, тэнгэр шиг бай!

Одод гялалзаж, наран саран ээлжлэх цагт

Орчлон дээр аавын хүү шантрах ёсгүй!

Уур омог, урин мунхагийг мартаж, тэнгэр шиг бай!

Уйтан хорвоогоос илүү гарч, жигүүрээ дэлгэ

Цөхрөл чамайг багалзуурдаж цөлийн чоно шиг болгосон ч

Цөс ихтэй хүний үр гэдгээ бүү мартаарай!

Цорын ганц хүү минь, бас охид минь, хүүхдүүд минь

Цохолж ирсэн үйлийн үрээс бүү зугт, бүү ай!

Хувь заяатай ямагт эвлэрч, тэвчээртэй бай!

Хуучин цагийн мэргэд хүлээж сурсан юм шүү!

Орох оронгүй болсон цагтаа орчлонг бүхэлд нь олно, чи

Онцлох нөхөргүй болсон цагтаа хүнийг бас ойлгоно, чи

Аз жаргал ирнэ, гэвч удалгүй алга болдог юм

Аюул зовлон тохионо, гэвч удалгүй арилдаг юм

Жамаараа ертөнцөд юм бүхэн өдөр шөнө шиг ээлжилнэ

Жаргал зовлонгийн алинд ч мөнх тэнгэр шиг бай

Атаатан түмэнтээ мууг үйлдэвч хариуд нь сайныг бүтээ

Ариун сэтгэлийн нугад буяны цэцэгс дэлгэрдэг юм

Ямагт чиний зөв байх албагүй, сайтар тунгаа

Ярьж хэлэх, хөдлөх бүхнээ өөрөө хяна, сэтгэ!

Хүсэл бүхэн биелэх албагүй, чандалж хорь

Хүрэхийн эцэсгүй тэнгэр шиг бай, үнэнийг тэмтэр!

Юм бүхэнд өөрийн цаг буй, сөрөөд нэмэргүй

Юлд атгасан хүн тулаанд хэрэгтэй, хуриманд нэмэргүй

Нохой болохоос нь өмнө гөлгийг хазаж хэмлэдэг юм

Ноён болохоос нь өмнө хөвгүүнийг басаж доромжилдог юм

Самуун дэгдээгчид үйлээ тайван хийг

Сандарч тэвдэх хэрэггүй тэнгэр шиг бай!

Салхи цагаа болохоор бүхнийг хийсгэдэг юм

Саваагүй амьтдын зиндаанд бүү уна!

Эрх мэдэлтэй хүн хилэнц нүглээс зайлахгүй

Эд баялагтай хүн хүсэл шуналаас хагацахгүй

Ертөнцийн юм бүхэн хэмжээтэйг бүү март

Ер цагаа болохоор хумхийн тоос шиг сарнина

Энгийн хүн ардад ээлтэй бай, хайртай бай

Элдэв бусармаг явдалд бүү орооцолд!

Үнэтэй цайтай бүхнээ бусдад өгч сур, бүү харамс

Үүрд оршихгүйн учир тус болох үйл бүтээ!

Гаднаа ямагт бусдаас дорд бай, даруу бай

Гайхуулах хэрэггүй, дотроо тэнгэр мэт бай!

Үг яриа хэрэггүй газар харцаараа өгүүлж сур

Үнэн худлыг ялгах аргагүй цагт бурхандаа залбир!

Өнөөдөр чамайг, маргааш бусдыг хуурах хүмүүст

Өөр шигээ бүү итгэ, мөрийг хөөж чигийг барь!

Хүү минь хамгийн эцэст хэлэхэд нохой явдлыг дээдэл

Хүлцэн тэвчихээс илүү гавъяаг би мэдэхгүй!

Би муу хүн гэдгээ мэднэ, мэдсэн хирнээ тэгвэл яагаад ийм юм???

Миний бодлоор эрэгтэй эмэгтэй 2 хүний харилцааг (гэр бүлийн харилцааг оруулахгүйгээр) найзууд эсвэл уулзаж байгаа, болзож байгаа, үерхэж байгаа, гэрлэсэн гэдгээр ойлгодог. Миний хувьд эхний 3г илүүд үздэг л дээ. Гэхдээ яагаад ч юм ингэж амьдрахдаа бусдыг, тэднийг золиослоод байх шиг байгаан. Үгүй ээ яг тэгээд байна. Өөрийн аз жаргалын төлөө нтр биш л дээ зүгээр л надад сонирхолтой санагдаад л уулзаж бас болздог. Үүнээсээ болоод өөртөө дасгачихаад тэднийг зовоох юм. Тэдний оронд тэгснээ өөрийгөө тавьж шаналж нтр. Уг нь амьдралдаа хүссэн зүйлээ хийж байхдаа бусдыг зовоохгүй амьдарчих юмсан. Тэдэнд гай тарихгүйгээр, төвөг удахгүйгээр нэг байх юмсан.

Хүн л болж төрсөн хойно эсрэг хүйсийн хүн амьтантай уулзаж учирах нь уг нь байгалийн хууль биз дээ. Амьдралыг боломж, сонголт, шинэ хуудаснуудын зангилаа гэж боддогштээ би. Гэтэл би л ганцаараа муу зүйл хийгээд байгаам шиг санагдахым. Хэхэ, энийгээ муу гэж боддог уу, шал тэнэг юм.

Сүүлийн үед өөрөөсөө шалтгаалах болон шалтгаалахгүйгээр иймэрхүү асуудлууд гараад байгаа юм аа. Сүүлд нь ярилцаж нэг үзнэ, чатлаж нэг үзнэ, эсвэл үг дуугүй зөвшөөрцгөөгөөд харилцаагаа тасална, саяхан нэг хүн уурлаж захиа явуулсан байсан. Айгаагүй л дээ, зүгээр л би хүссэнээ хийж амьдармаар байна штээ, би хүний эрхийг зөрчсөн ямар нэг зүйл хийгээгүй, төлөвлөөгүй биз дээ. Тэгээд ч хүний сайныг ханилан биш уулзан учирч байж, ханилахаасаа өмнө мэдэж авах хэрэгтэй. Тэр хугацаа одоогоос 20 жилийн дараа байсан ч хамаагүй.

Надад эрх чөлөө олгооч. Би хүн шүү дээ, амьдрал минь.

Хэзээ нэг өдөр төмөр биш болтлоо,, төмөр шиг хүн биш болтлоо...Эсвэл шаналах гэдэг нь миний хайр юм уу? Хүнд дасаж дурлахгүй хирнээ, эсвэл миний The perfect man гарч ирээгүй юм уу?

Үргэлжлэл бий...

2-р сард тєрєгсєд

Манай нэг найз явуулсан юм аа. Тэгээд л шууд копи хийчихлээ. Мэдээж намайг 100% биш ч тодорхой хэмжээгээр тодорхойлсон байна шүү.

Odko Odko:

• Чадварлаг хийсвэрлэн сэтгэгч

• Юмыг хийсвэрлэн єєр єнцгєєс харах дуртай

• Ухаалаг

• Олон ааштай

• Нилээд ичимхий дуугvй талдаа

• Єєрийгєє хvндэтгэх нь бага

• Шударга

• Зорилгоо аль хэдий тогтоочихсон байдаг

• Эрх чєлєєтэй байхыг эрмэлздэг

• Эрх чєлєєг нь хаах юм бол нилээд эсэргvvцэл vзvvлнэ

• Ер нь эрч хvчтэй байхад дуртай

• Хэтэрхий мэдрэмтгийгээсээ амархан дарамтанд ордог

• Уурласан байдлаа амархан илэрхийлдэг

• Дэмий зvйлд дургуйцэх нь элбэг

• Найзтай болох дуртай ч тийм амархан найзтай болдоггvй

• Зоригтой бас нилээд зєрvvд талдаа

• Эрмэлзлэлтэй

• Хvслээ мєрєєдлєє олж чаддаг

• Зугаа цэнгэлд дуртай

• Дотроо романтик ч тэрнийгээ огт гаргадаггvй

Хоол хоол хоол

Хэн нэгэн надаас хоол хийдэг нь үү эсвэл хоол иддэг нь үү гэж асуусан юм л даа. Миний хариулт бол "аль аль нь л даа. Гэхдээ эхнийхд нь тийм ч их ач холбогдол өгөхгүй ээ одоогоор." байлаа.

1. "амттай хоол хийдэг хүнд хүнүүс сайн байдаг юмдаа. АНКААРАЛДАА авах хэрэгтэйдээ,,," гэсэн саналыг надад хэлсийн. Гэхдээ би хүнд таалагдахын төлөө амьдралаа нэг л өдөр өөрчилчихвий гэхээс айдаг, яагаад гэвэл хааяа тийм хүмүүс өрөвдөлтэй байдаг юм.

2. Нэгэн өдөр айлын эзэгтэй болсон байна гэдэгтээ итгэлтэй байгаа ч гэсэн одоо биш, үгүй ээ үргэлж биш. Би бэлтгэлтэй баймааргүй байна. Тэр үед чадвараа хавьгүй сайн дээшлүүлчихнэ гэдэгтээ итгэлтэй байдаг юм.

3. Би хоолыг байнга эмэгтэй хүн хийх хэрэгтэй гэдэгтэй санал нийлдэггүй. Худалдаж аваад хааяа идэж болно, хамтраад хийж болно, бэлдсэн гээд л олон сонголтууд байгаа шүүү дээ.

Юм үргэлж нэг л хэвийн байхад би дургүй. Бас, эртний уламжлалт зан үйлийг хүндэлдэг болохоос хэрэгжүүлэхдээ нилээн азнана гээч. Миний зөв-д тохирохгүй бол тэгээдл нөү листэнд үлдэнэ дээ.

10 things I hate about you

I hate the way you talk to me and the way you cut your hair

I hate the way you drive my car

I hate it when you stare

I hate your big dumb combat boots and the way you read my mind

I hate you so much it makes me sick it even makes me rhyme

I hate the way you are always right

I hate it when you lie

I hate it when you make me laugh even worse when you make me cry

I hate it when you are not around and the fact that you didn't call

But mostly, I hate the way I don't hate you, not even close, not even a little bit, not even at all.